Ալթայի մարզի Բելոկուրիխա քաղաքի բնակչուհի Նատալյա Լյաշենկոն բողոքել է դատախազին, որ տեղի դպրոցին կից մանկական ճամբարի սաներին Սնուպ Դոգի ու Դեյսոն Դեռուլոյի երգերից մեկն են տվել լսելու, որում երաժիշտները կոչ են անում «շարժել հետույքները», պատճառաբանելով, որ այն գռեհիկ է ու նախատեսված չէ երեխաների համար:
Կինը պահանջել է աշխատանքից հեռացնել տնօրենին ու անգլերենի դասատուին ու խնդրել է ստուգել նաև, թե ինչ երաժշտություն ու ինչ ֆիլմեր են դիտում տարածաշրջանի մյուս ուսումնական հաստատություններում:
Հուլիսին կինն արդեն դիմել էր կրթության վարչություն, որտեղ նրա բողոքներն արդարացի են համարել ու դպրոցի տնօրենին նկատողություն հայտարարել:
