Այն հայտարարությունները, թե Պերմյակովը կքննվի ՀՀ տարածքում, հարաբերական են, որովհետև հնարավոր է` ՀՀ տարածքում գտնվող ռուսական բազայի, քննչական մարմինների կողմից քննվի: Սրան հստակ պատասխան չկա։
«Ցավոք, ՀՀ իշխանությունները Ավետիսյանների ընտանիքի այդ սարսափելի սպանդը, ՀՀ իշխանությունների կողմից կամ կոնկրետ Սերժ Սարգսյանի կողմից որևէ հրապարակային գնահատական, ցավակցություն, պահանջներ, չձևակերպվեցին, որը պետք է լիներ նորմալ պետության պարագայում: Եվ, ըստ էության, մարդիկ իրենց խնդիրների հետ մնացին մեն-մենակ:
Մինչև վերջին պահը ՀՀ գլխավոր դատախազն իր գանահատականներով երկիրմաստ մոտեցւմ էր ցույց տալիս:
Երեկվա ցույցի ընթացքում, սակայն, գլխավոր դատախազն, ի վերջո, ստիպված էր վերադառնալ իր սահմանադրական պարտականության կատարման մասին հայտարարություն տալով, թե կդիմի ՌԴ քննչական մարմիններին, որպեսզի Պերմյակովը հանձնվի ՀՀ դատարանին:
Սաքունցի խոսքով` կան խիստ կասկածներ, թե արդյոք միայնա՞կ է եղել Պերմյակովը:
«Եթե անգամ հայ իրավապահները հանդիպեն ու քննեն ռուս իրավապահների հսկողության տակ գտնվող Պերմյակովին, այնուամենայնիվ, օբյեկտիվ քննություն իրականացնել հնարավոր չի լինի: Բայց մի բան հստակ է՝ ՀՀ զինդատախազը պարտավոր է գրավոր դիմում ներկայացնել ՌԴ իրավապահներին` Պերմյակովին Հայաստանին հանձնելու պահանջով: Թող նրանք չկատարեն: Բայց դիմումը թող լինի»,- մեզ հետ զրույցում ասաց Սաքունցը: Նրա դիտարկմամբ, եթե մեզնից յուրաքանչյուրը վաղը բացարտություն պահանջի ռուսական իշխանությունից այդ հարցի շուրջ՝ նրանք ասելու են, թե Հայաստանի կողմից նման դիմում չեն ստացել:
