«Հայաստանում քաղաքական բանտարկյալներ չպետք է լինեն»,- այսօր լրագրողների հետ ճեպազրույցում, հարցին՝ ի՞նչ դիրքորոշում ունի քաղբանտարկյալների խնդրի հետ կապված, պատասխանել է ՀՀ նախագահ Արմեն Սարգսյանը:
«Դիրքորոշումը շատ պարզ է և հստակ. Հայաստանի Հանրապետությունում քաղաքական բանտարկյալներ չպետք է լինեն` երեկ, այսօր և վաղը», — ասել է ՀՀ նախագահը:
Արձագանքելով հարցին` Հայաստանում կա՞ն քաղբանտարկյալներ, Արմեն Սարգսյանը նշեց, որ մարդու իրավունքների պաշտպանությամբ զբաղվող մի քանի կազմակերպություններից ստացել է որոշակի փաստաթղթեր, որոնք կուղարկվեն ՀՀ կառավարության համապատասխան նախարարություններ, քանի որ, ըստ Սահմանադրության, համաներման վերաբերյալ որոշում կարող են կայացնել ՀՀ կառավարությունն ու ՀՀ վարչապետը:
