Forbes ամսագիրը հրապարակել է բիզնեսի համար ամենաբարենպաստ երկրների վարկանշային աղյուսակը։ Աղյուսակում ներառվել են ավելի քան 140 երկրների ցուցանիշներ։
Այս ցանկում Հայաստանը 56-րդն է։ Համեմատության համար ասենք, որ այս ցանկում Եվրասիական միությունում Հայաստանի գործընկեր Ռուսաստանը 91-րդն է, Ղազախստանը՝ 65-րդը, Բելառուսը ցուցակում ընդգրկված չէ։
Հայաստանի հարևաններից առաջատարը Վրաստանն է, որը գտնվում է 47-րդ հորիզոնականում, նրան հաջորդում են Թուրքիան՝ 50-րդ հորիզոնական, Իրանը՝ 132-րդ հորիզոնական։
Լավագույն տասնյակում են Դանիան, Հոնգ Կոնգը, Նոր Զելանդիան, Իռլանդիան, Շվեդիան, Կանադան, Նորվեգիան, Սինգապուրը, Շվեյցարիան, Ֆինլանդիան։
