Հայաստանի ֆուտբոլի ֆեդերացիայի պաշտոնական կայքը հայտնում է, որ քիչ առաջ Հայաստանի ազգային հավաքականը ժամանել է Ալբանիա: Մեր հավաքականը և ՀՖՖ ֆուտբոլային պատվիրակությունը կհանգրվանեն Տիրանայի «Շերատոն» հյուրանցում: Մարտի 28-ին՝ ժամը 19:30-ին, Հայաստանի հավաքականը կանցկացնի մարզում Էլբասան քաղաքի «Էլբասան Արենա» մարզադաշտում, որի առաջին 15 րոպեները «բաց» կլինեն ԶԼՄ հավատարմագրված ներկայացուցիչների համար:
Հիշեցնենք, որ Եվրոպայի 2016թ. առաջնության Ալբանիա–Հայաստան ընտրական հանդիպումը կկայանա մարտի 29-ին՝ Երևանի ժամանակով ժամը 20:00-ին:
