Վերջ. հանդիպումն ավարտվեց. Հայաստան — Էլ Սալվադոր՝ 4:0. Հայաստանի հավաքականը հաղթանակով է ավարտում ԱՄՆ-ում ուսումնամարզական հավաքը: Հիշեցնենք, որ 1-ին խաղում Վարուժան Սուքիասյանի գլխավորած ընտրանին 7:1 հաշվով հաղթել էր Գվատեմալային:
90.Հանդիպման հիմնական խաղաժամանակին ավելացվում է 2 րոպե:
88.Աջ եզրից հետևած փոխանցումից հետո Գերսոն Մայրենը գլխով բարձր հարվածեց:
87.Մրցակիցն արգելակել է և շատ անատամ է կազմակերպում գրոհները:
83.Կամո Հովհաննիսյանի փոխանցումից հետո Մխիթարյանը հարված կատարեց, որի ճանապարհը պաշտպաններն ընդհատեցին:
82.Հայ ֆուտբոլիստները վերահսկում են գնդակի տեղաշարժը:
79.Վնասվածք ստացած Նելսոն Բոնիլան չի կարողանում շարունակել հանդիպումը. փոխարինման է մտնում Ռաֆայել Բուրգոսը:
75.ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ՝ 4:0. Գեղամ Ղադիմյան. կենտրոնում գնդակը խփելուց հետո Հենոն արագորեն առաջ նետվեց, փոխանցեց Ղադիմյանին, ում մնում էր գնդակն ուղարկել դարպասը:
75.Սալվադորցիների կազմում դարպասապահի փոխարինում եղավ:
74.Ձախ եզրում սուր փոխանցումից հետո Բեգլարյանը ոտքով գնդակը հանեց անկյունային:
74.Այժմ էլ Դավիթ Հակոբյանը խաղադաշտ մտավ. «Շիրակի» ֆուտբոլիստը հանդիպումը կշարունակի «Գանձասար Կապանի» կիսապաշտպան Տիգրան Բարսեղյանի փոխարեն:
73.Հայաստանի հավաքականի կազմում իր նորամուտն է նշում Սերգեյ Ավագիմյանը. նա փոխարինեց Լևոն Հայրապետյանին:
71.Փոխարինումներ Հայաստանի ընտրանու կազմում. Հովհաննես Համբարձումյանի և Գոռ Մալաքյանի փոխարեն հանդիպումը կշարունակեն Վարազդատ Հարոյանն ու Կամո Հովհաննիսյանը:
69.ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ՝ 3:0. Տիգրան Բարսեղյան. Խորքից Մխիթարյանի փոխանցումից հետո Ղադիմյանը չհասավ գնդակին, իսկ Տիգրան Բարսեղյանը լավ միացավ, շրջանցեց դարպասապահին, Գարսիայի հետ պայքարում, սահընկումով գնդակն ուղարկեց դարպասը:
68.Լարինը տուգանայինից հուժկու հարված կատարեց. մի փոքր շեղ էր:
65.Գնդակը հրաշքով չհայտնվեց մրցակցի դարպասում. Մխիթարյանի գերֆանտաստիկ անցումներից հետո Ղադիմյանը ձախ եզրից բարձրով փոխանցում կատարեց, իսկ Գոռ Մալաքյանի հարվածից հետո դարպասապահը դժվարությամբ ետ մղեց գնդակը:
61.Նելսոն Բոնիլան միջին տարածությունից շատ վտանգավոր հարված կատարեց. մի փոքր շեղ էր:
60.Սալվադորցիները շարունակում են առավելությամբ գործել:
56.Փոխարինում. Էդգար Մանուչարյան՝ դուրս, Գեղամ Ղադիմյան՝ մուտք:
55.Բարահոնան տուգանայինի մատույցներից հարված կատարեց. Բեգլարյանը որսաց գնդակը:
53.Դավիթ Մանոյանը խաղադաշտ է մտնում Մարկոս Պիզելիի փոխարեն:
52.Տրիբունաներից լսելի են «Հայաստա՛ն-Հայաստա՛ն» վանկարկումները:
50.Մխիթարյանի հիասքանչ փոխանցումից հետո Մանուչարյանը մեն-մենակ մնաց դարպասապահի դեմ, հարվածեց, սակայն վերջինս ետ մղեց գնդակը:
48.Երկրորդ խաղակեսի մեկնարկում սալվադորցիները որոշակի առավելություն ունեն:
Նշենք, որ հաղթող հավաքականին տրվելու է այս գավաթը:
Երկրորդ խաղակեսը մեկնարկեց: Մրցակցի կազմում փոխարինում է կատարվել:
Վերջ. առաջին խաղակեսն ավարտվեց. Հայաստանի հավաքականն առջևում է՝ 2:0:
41.Մալաքյանը կարող էր 3-րդ գոլը հեղինակել. լավ փոխանցումից հետո մեր 9 համարը լավ դիրքում հայտնվեց, սակայն հապաղեց և դարպասապահը վերցրեց գնդակը:
38.Վերջին րոպեներին Էլ Սալվադորի ընտրանու ֆուտբոլիստներն ավելի շատ են գրոհում:
34.Մանուչարյանը խորքից փոխանցումից հետո հակագրոհի էր նետվում, սակայն Անդրես Ֆլորեստ կանոնները խախտեց՝ արժանանալով դեղին քարտի:
31.Անկյունայինից Մարկոսի փոխանցումից հետո դարպասապահը փորձեց հեռացնել գնդակը, իսկ Արտակ Եդիգարյանը սուր անկյունից հարվա կատարեց. Հերնանդեսը գնդակը հանեց անկյունային:
30.Վտանգավոր գրոհ էին ձեռնարկել սալվադորցիները. նպաստավոր դիրքում հայտնված Պինեդայի հարվածն ուղիղ Բեգլարյանի վրա ստացվեց:
27.Նելսոն Բոնիլան միջին տարածությունից շեղ հարված կատարեց:
25.Հայաստանի ազգային թիմի խաղացողները շարունակում են իրենց կամքը թելադրել: Մարտավարությունը նույնն է՝ պաշտպանությունից հարձակում շատ արագ անցում:
22.Մխիթարյանն էր հայտնվել հարվածային դիրքում. Հայաստանի հավաքականի ավագը տուգանայինի մատույցներից բարձր հարված կատարեց:
21.Աջ եզրում փոխանցումից հետո Մանուչարյանն ընթացքից բարձր հարված կատարեց:
20.Տամարասն Արտակ Եդիգարյանի նկատմամբ կանոնների խախտման համար դեղին քարտ ստացավ:
18.Սալվադորցիները սկսել են բավականին շատ գրոհել, սակայն Սուքիասյանի սաները հստակորեն են պաշտպանվում:
15.Ձախ եզրում Մանուչարյանի արագացումից և հիանալի փոխանցումից հետո Տիգրան Բարսեղյանը նպաստավոր դիրքից շեղ հարվածեց:
14.Հայ ֆուտբոլիստները հստակորեն վերահսկում են գնդակի տեղաշարժը:
11.Բավականին բաց ֆուտբոլ է ընթանում:
10.Տիգրան Բարսեղյանը սուր անկյունից հաշվենկատ հարված կատարեց. գնդակն ընթացավ դարպասապահի կողքով:
6.ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ՝ 2:0.Հովհաննես Համբարձումյան. Աջ եզրում Արտակ Եդիգարյանը լայնակի փոխանցում կատարեց դեպի ձախ, ուր Հովհաննես Համբարձումյանը սուր անկյունի տակից կատարած հարվածով գրավեց դարպասը:
5.Մխիթարյանը ձախ եզրով առաջ շարժվեց, փորձեց կենտրոնում փնտրել ավելի լավ դիրքում գտնվող թիմակցին, սակայն մրցակցի խաղացողները չեզոքացրին վտանգը:
4.Տիգրան Բարսեղյանն աջ եզրում ձերբազատվեց հսկողությունից և հարված կատարեց, դարպասապահը տեղում էր:
2.ԳՈՈՈՈՈՈՈՈՈՈՈՈՈՈՈՈՈՈՈՈՈՈՈՈՈԼ՝ 1:0. սալվադորցի պաշտպանն ինքնագոլի հեղինակ է դառնում. մրցակցի սխալից հետո Մխիթարյանը ձախ եզրում տիրեց գնդակին, փոխանցում էր կենտրոն, ուր Էլ Սալվադորի ընտրանու 2 համարը՝ Գարսիան պատահմամբ գնդակն ուղարկեց դարպասը:
Խաղին ուղիղ եթերում կարող եք հետևել այստեղ:
1.Հանդիպումը խաղադաշտի կենտրոնից սկսեցին Հայաստանի հավաքականի ֆուտբոլիստները:
Հայաստան — Էլ Սալվադոր. ընկերական հանդիպում
«Ստաբհաբ սենթեր» մարզադաշտ, սկիզբը՝ 07:00
Հայաստանի հավաքականի մեկնարկային կազմը.
