Կանադայում ՀՀ դեսպան Արմեն Եգանյանը հունիսի 15-ին հանդիպեց Կանադայի արտաքին գործերի նախարար Ռոբ Նիքոլսոնին:
Հանդիպման ընթացքում քննարկվեցին հայ-կանադական երկկողմ հարաբերությունների ներկայիս օրակարգում գտնվող տարբեր հարցեր, առանձնացվեց վերջին տարիներին տեղի ունեցած մի շարք փոխայցելությունների կարեւորությունը:
Կողմերն ընդգծեցին առեւտրատնտեսական ոլորտում կապերն առավել խորացնելու անհրաժեշտությունը:
Դեսպան Եգանյանը շնորհակալություն հայտնեց նախարարին Հայոց ցեղասպանության ճանաչման հարցում Կանադայի ունեցած սկզբունքային դիրքորոշման կապակցությամբ:
Հանդիպմանն անդրադարձ կատարվեց միջազգային կազմակերպություններում դինամիկ համագործակցությանը:
