Մեկօրյա ընդմիջումից հետո, այսօր Հայաստանի ազգային հավաքականը վերսկսել է մարզումները։ Այն ֆուտբոլիստները, ովքեր խաղաժամանակ էին ստացել Գվատեմալայի հավաքականի հետ հանդիպման ժամանակ, այսօր մարզվեցին համեմատաբար թեթև ռեժիմով, իսկ պահեստայինների նստարանին մնացած ֆուտբոլիստները՝ ավելի ինտենսիվ։
Նախավարժանքից և դանդաղ վազքից հետո ֆուտբոլիստներն աշխատեցին հարվածների կատարելագործման և ստանդարտ դիրքերի խաղարկման տարբերակների վրա։ Վաղը մեր թիմը վերջին մարզումը կանցկացնի ԱՄՆ «Սթաբհաբ սենթեր» մարզադաշտում, իսկ հաջորդ օրը նույն մարզադաշտում տեղի կունենա Հայաստան-Էլ Սալվադոր ընկերական հանդիպումը, տեղեկացնում է Հայաստանի ֆուտբոլի ֆեդերացիան:
