Ինչպես դեռ շաբաթներ առաջ հայտարարել էր Արտաքին գործերի փոխնախարար Շավարշ Քոչարյանը՝ Հայաստանը վերահաստատել է, որ Ղարաբաղը Հայաստանի մաս չի հանդիսանում: Այս մասին Araratnews.am-ի հետ զրույցում ասաց ՀՀ ԱԳՆ մամլո խոսնակ Տիգրան Բալայանը:
Նշենք, որ այսօր Բելառուսի խորհրդարանի ներկայացուցիչների պալատը վավերացրել է Եվրասիական տնտեսական միությանը Հայաստանի անդամակցության մասին պայմանագիրը: Բելառուսի արտաքին գործերի նախարար Ալեքսանդր Միխնևիչն ասել է, որ Ղարաբաղի Հանրապետությունը մաս չի կազմի ԵԱՏՄ-ին, ինչի մասին ընդունվել է հատուկ հուշագիր: Իսկ պայմանագրին կցվել է նոտա այն մասին, որ Լեռնային Ղարաբաղը Հայաստանի Հանրապետության մաս չի կազմում:
«Ինչ վերաբերվում է ձեր կողմից հիշատակված հայտարարագրին, ապա խորհուրդ եմ տալիս ընթերցել խորհրդարանների կայքերում»,-ասաց Բալայանը:
Նշենք, որ Բելառուսի խորհրդարանի պաշտոնական կայքէջում նման նոտա պայմանագրին կցված չկա:
