Հայաստանը ուժեղագույն շախմատիստներով ներկայացված կլինի հոկտեմբերի 10-ին Բեռլինում մեկնարկելիք արագ եւ կայծակնային խաղի աշխարհի առաջնություններում: Արագ խաղի մրցաշարում Հայաստանից հանդես կգան Լեւոն Արոնյանը, Վլադիմիր Հակոբյանը եւ Տիգրան Պետրոսյանը:
Կայծակնային խաղի աշխարհի առաջնությանը նրանցից բացի, Հայաստանի ներկայացուցիչներից կմասնակցեն նաեւ Սերգեյ Մովսեսյանը, Հրանտ Մելքումյանն ու Զավեն Անդրիասյանը:
Արագ խաղի մրցաշարը կավարտվի հոկտեմբերի 12-ին, կայծակնային խաղինը՝ հոկտեմբերի 14-ին:
