Հոկտեմբերի 22-23-ին իտալական Վերոնայում նախանշված է Եվրասիական IV համաժողովը, որի նախաձեռնողները «Պետերբուրգյան միջազգային տնտեսական ֆորում» հիմնադրամն ու «Ճանաչում ենք Եվրասիան» ասոցիացիան են: Համաժողովի հիմնական թեման է՝ «Միասին քաղաքական նոր երկխոսության եւ տնտեսական հարաբերությունների շուրջ նորարարական հայացքի ճանապարհին»:
Եվրասիական համաժողովի աշխատանքն ուղղված է Եվրասիայի երկրների միջեւ համագործակցության ամրապնդումը ԵՏՄ երկրների բիզնեսի, իշխանության, հասարակական կազմակերպությունների եւ լրատվամիջոցների ներկայացուիչների միջեւ երկխոսության ճանապարհով: ՏԱՍՍ-ի փոխանցմամբ, քննարկումների հիմնական ուղղություններն են լինելու էկոնոմիկան եւ ֆինանսները, էներգետիկան, ենթակառուցվածքները, նորարարությունը, էներգիայի այլընտրանքային աղբյուրները:
Համաժողովի մասնակիցների թվում կլինեն Ռուսաստանի, Իտալիայի, Հայաստանի, Բելառուսի, Ղրղզստանի, Հնդկաստանի, Ղազախստանի, Չինաստանի եւ Հարավային Կորեայի պետական եւ գործարար շրջանակների ներկայացուցիչներ:
