Հայաստանից Դորտմունդ ժամանած ֆուտբոլային պատվիրակությունը մարտի 8-ին հետևել է «Բորուսիայի» կիսապաշտպան Հենրիխ Մխիթարյանի մարզմանը, հաղորդում է Armsport.am:
Դրանց թվում է նաև Հայաստանի հավաքականի գլխավոր մարզիչ Վարուժան Սուքիասյանը, ով խոսել է 27-ամյա ֆուտբոլիստի մասին:
«Հենրիխ Մխիթարյանն արտակարգ ֆուտբոլիստ է, իսկ «Բորուսիայում» նա առաջընթաց է գրանցել: Նա հոյակապ մրցաշրջան է անցկացնում: Սակայն նա կարող է ավելի լավը դառնալ»,- ասել է նա:
«Հիանալի է, որ այստեղ կարող ենք հետևել մեր լավագույն ֆուտբոլիստին իր ակումբում մարզվելիս»,- ասել է Մխիթարյանի մայր Մարինա Տաշչյանը, ով ՀՖՖ Հավաքական թիմերի բաժնի պետն է:
