Հայ գրոսմայստերը հաղթել է Հոնկոնգի միջազգային մրցաշարում

Դեկտեմբերի 23-27-ը Հոնկոնգում անցկացվել է «Jolimark» շախմատի միջազգային մրցաշարը, որին մասնակցել է 16 երկրի 97 շախմատիստ:

Նրանց թվում է եղել նաև գրոսմայստեր Կարեն Գրիգորյանը, ով իր վարկանիշով գլխավորել է մրցաշարային աղյուսակը, հայտնում է  «Chess.am»-ը:

Նա չի ունեցել ոչ մի պարտություն։ 7-րդ և 9-րդ տուրում կիսել է միավորը։ Արդյունքում՝ 8 միավորով դարձել է մրցաշարի միանձնյա հաղթողը։

Կարենը նաև 5 կետով բարձրացրել է իր անհատական վարկանիշը։

«Jolimark» միջազգային մրցաշարի 2-3-րդ տեղերը 7 միավորով զբաղեցրել են Ֆիլիպինների և Չինաստանի ներկայացուցիչները։