Հարավային Օսիան Մոսկվային առաջարկել է ինքնահռչակ պետության կլանման նախագիծը

Հարավային Օսիայի ղեկավար Լեոնիդ Տիբիլովը հայտարարել է, որ Մոսկվա է ուղարկել Ռուսաստանի հետ դաշնակցային հարաբերութոյւնների մասին պայմանագրի օրինագծը։ Այս մասին հաղորդում է BBC-ն։

Այս փաստաթղթով ենթադրվում է պաշտպանության և անվտանգության միացյալ համակարգի ստեղծում։ Պայմանագրի նախագծով՝ Հարավային Օսիայի առանձին ուժային կառույցներ կմտնեն Ռուսաստանի զինված ուժերի կազմի մեջ։ Հարավային Օսիայի և Ռուսաստանի միջև անցակետերը կհանվեն, անցումը կլինի անարգել։

Պայմանագրով հեշտացվում է  Հարավային Օսիայի քաղաքացիների կողմից Ռուսաստանի քաղաքացիություն ստանալու գործընթացը։

Հիշեցնենք, որ 2008 թվականին անկախացած Հարավային օսիան ամբողջությամբ գտնվում է ռուսական զինված ուժերի վերահսկողոթւյան տակ։