Հարավային Կորեայի նախագահ Պակ Գըն Հեն նշանակել է երկրի նոր վարչապետի: Այս մասին տեղեկացնում է Korea Herald-ը: Թերթի տեղեկություների համաձայն՝ Կորեայի Հանրապետության վարչապետի պաշտոնը այսուհետև կստանձնի իշխող խմբակցության ղեկավար Լի Վան Գուն: Նա այս պաշտոնում կփոխարինի Չոն Հոն Ոնին:
«Նախագահը ընդունել Չոն Հոն Ոնի հրաժարականը և վարչապետի պաշտոնում նշանակել Լի Վան Գուին»,- ասված է նախագահի մամլո գրասենյակի տարածած հայտարարության մեջ:
Նշվում է, որ երկրի նախագահը որոշել է փոփոխություններ կատարել նաև իր աշխատակազմում՝ թիմում ընդգրկելով հասարակական նշանակության մի քանի ոլորտների հայտնի փորձագետների:
Լի Վան Գուն մինչ այդ զբաղեցնում էր Չհունչհոն-Նամդո նահանգի ղեկավարի պաշտոնը:
Հիշեցնենք, որ նախորդ վարչապետը պաշտոնավարել է շուրջ 2 տարի՝ 2013 թվականի փետրվարի 23-ից:
