ՀԱՊԿ-ի ղեկավարությունը տեղեկություններ չունի այն մասին՝ արդյոք Հայաստանը պաշտոնապես հարցո՞ւմ է ներկայացրել կառույցի գլխավոր քարտուղարի պաշտոնից գործող գլխավոր քարտուղար Յուրի Խաչատուրովին հետ կանչելու վերաբերյալ: Այս մասին РИА Новости-ին ասել է ՀԱՊԿ գլխավոր քարտուղարի տեղակալ Վալերի Սեմերիկովը:
«Ես տեղեկություններ չունեմ այն մասին, որ հայկական կողմը պաշտոնական որևէ փաստաթղթով դիմել է գործող գլխավոր քարտուղարի վերաբերյալ»,- ասաց նա:
Նրա խոսքով՝ հայկական կողմից համապատասխան դիմումի դեպքում անհրաժեշտ կլինի ՀԱՊԿ անդամ պետությունների հետ համաձայնեցված ընթացակարգ իրականացնել:
«Դրանից հետո Հավաքական անվտանգության խորհուրդը որոշում կկայացնի», ասել է Վ. Սեմերիկովը, մանրամասնելով, որ այդ գործընթացի տևողությունը կախված կլինի, թե ինչպես ՀԱՊԿ անդամ պետությունները կանցկացնեն համաձայնեցման ընթացակարգը, և դրանում ով ներգրավված կլինի:
