Հանրապետությունում ջերմաստիճանի նվազումը կպահպանվի նաև այսօր գիշերը և վաղը, այսօր ՀՀ կառավարության նիստի մեկնարկին ասաց Գյուղատնտեսության նախարար Սերգո Կարապետյանը: Գյուղնախարարի խոսքով` հանրապետության որոշ տարածքներում գրանցվել է ցրտահարություն, մասնավորապես Զվարթնոցում, Փարաքարում, Մերձավանում:
«Որոշ տեղերում ջուրը սառել է անգամ գետնի վրա, իսկ որոշ վայրերում էլ ընդհանրապես չի եղել ցրտահարություն»,- ասաց Սերգո Կարապետյանը:
Գյուղնախարարը հորդորեց ավանդական եղանակով պաշտպանվել ցրտահարությունից, իսկ թե ինչ կորուստներ են գրանցվել ցրտահարության հետևանքով` նախարարն ասաց` դեռ վաղ է գնահատել:
