Հանկարծամահ եղած զինծառայողի և հայ-ադրբեջանական սահմանը հատած պայմանագրային զինծառայողի մասին դեռ որևէ տեղեկություն չկա, Araratnews-ի թղթակցին հայտնեց Պաշտպանության նախարարության մամուլի խոսնակ Արծրուն Հովհաննիսյանը:
Երեկ հայտնի էր դարձել ժամկետային զինծառայող Հայկ Տարոնի Մարգարյանի հանկարծամահ լինելը: Արծրուն Հովհաննիսյանը հայտնել է, որ որևէ առողջական խնդիր չի ունեցել զինծառայողը: Զինվորական քննչական գլխավոր վարչությունում քննություն է իրականացվում՝ պարզելու սերժանտ Հայկ Մարգարյանի մահվան հանգամանքներն ու պատճառները, և դեռ որևէ նորություն ՊՆ մամլո խոսնակին չի հայտնել: Տեղեկացնենք նաև, որ զինծառայողին երկու ամիս էր մնացել զորացրվելու համար:
Ինչ վերաբերվում է զենք-զինամթերքը թողած և սեփական կամքով հայ-ադրբեջանական սահմանը հատած պայմանագրային զինծառայող Անդրանիկ Արարատի Գրիգորյանին, ապա Արծրուն Հովհաննիսյանը ասաց, որ որևէ տեղեկություն չունի, սակայն, բոլոր հանգամանքները պարզվում են: Հայտնենք, որ Անդրանիկ Արարատի Գրիգորյանը ծնունդով Արցախից է:
