Անդրանիկ Օզանյանի 151-ամյակը լրանում է փետրվարի 25-ին:
Ֆիդայական շարժման «Զորավար Անդրանիկ» թանգարանի հիմնադիր-տնօրեն Իլյիչ Բեգլարյանը լրագրողների հետ հանդիպման ընթացքում նախ անդրադարձավ նախորդ տարի իրականացված միջոցառումներին:
Քաղաքապետարանի և «Սասուն-Տարոն» հայրենակցական միության ջանքերով Երևանի բոլոր համայնքներում և մարզերում կազմակերպվել են հանդիսություններ` նվիրված զորավարի 150-ամյակին: Միջոցառումներ են անցկացվում տարին երկու անգամ` զորավարի ծննդյան և մահվան օրերին:
«Թանգարանում առկա է 3000 նմուշ, որոնց թվում են Զորավար Անդրանիկի անձնական իրեր, նրա ծննդավայր Շապին Գարահիսար քաղաքի, Գալաթա քաղաքում փոքրիկ բնակարանի և Մշո առաքելոց եկեղեցու մանրակերտերը»,- նշեց Բեգլարյանը:
Թանգարանի տնօրենի խոսքով` Ռուսաստանում լույս տեսած «Հայրենական մեծ պատերազմի 100 հերոսները» և «Առաջին աշխարհամարտի 100 մեծ հրամանատարները» գրքերում Անդրանիկ Օզանյանը համապատասխանաբար երկրորդն ու տասներորդն է: Նա նաև նշեց, որ շուտով լույս է տեսնելու ծավալուն մի գիրք, որտեղ կներկայացվեն թանգարանի ցուցասրահները, քանդակները և դրվագներ Զորավարի կյանքից:
