Հաղորդավարուհի Կարինա Դանելյանը մեզ հետ զրույցում պատմեց, որ 2014թ-ին իր ամենամեծ պարգևը եղել է դստեր լույս աշխարհ գալը. «Տարին ինձ համար հեքիաթային էր՝ պայմանավորված այդ հանգամանքով»:
Այս տարի Ամանորը դստեր և ամուսնու հետ դիմավորելու մեծ ցանկություն ունի. «Այս տարի չեմ աշխատելու և որևէ միջոցառում չեմ վարելու. մեծ ցանկություն ունեմ Ամանորը դիմավորել ամուսնուս և աղջկաս հետ»,- պատմեց Կարինան:
2015թ-ին հաղորդավարուհին ունի մեկ ցանկություն, որ լինի խաղաղություն և աշխարհի բոլոր բալիկները լինեն երջանիկ:
«Բոլորին սեր եմ մաղթում. սիրուց է ծնվում ամեն մի լուսավոր երևույթ այս աշխարհում», — շնորհավորելով Ամանորը՝ մաղթեց Կարինան:
