Այսօր Ազգային Ժողովի նիստի մեկնարկին ՀՀ Էկոնոմիկայի փոխնախարար Սերգեյ Ավետիսյանը խոսեց «Պետական տուրքի մասին» օրենքում փոփոխություն կատարելու մասին:
«Ըստ փոփոխությանˋ օդային տրանսպորտի միջոցով ֆիզիկական անձի ելքի համար Գյումրու «Շիրակ» օդանավակայանի ուևորներին ազատել 10 հազար դրամի պետական տուրքի վճարումից: Դա արվում է ընդհանուր առմամբ ներգնա տուրիզմի զարգացման, տարածաշրջանում ավիափոխադրումների շուկայի մրցունակության բարձրացման և ներգնա բյուջետային ավիաընկերությունների ներգրավվման համար»,-ասաց Ավետիսյանը:
