Երեկ Գյումրիում կայացավ իր նախադեպը չունեցող «Ի՞նչ, որտե՞ղ, ե՞րբ» ինտելեկտուալ խաղն` անգլերեն լեզվով: Խաղը նախաձեռնել էր Գյումրու լեզուների տունը «Խորանարդ ինտելեկտուալ ակումբ»- ի աջակցությամբ: Մասնակցում էին ուսանողական յոթ թիմեր` չորս հոգանոց խմբերով: Խաղն ընդգրկում էր ինչպես իմացական, այնպես էլ տրամաբանական հարցեր, տեսահարցեր, էրուդիտ և ուղեկցվում էր հետաքրքրաշարժ երաժշտական ընդմիջումներով: Ինչպես հայտնում է նախագծի հեղինակ և կազմակերպիչ Տաթևիկ Համբարյանը, խաղն հավանաբար կունենա շարունակական բնույթ և հիմք կհանդիսանա նոր՝ անգլերեն լեզվով ինտելեկտուալ ակումբի ստեղծման համար:
