Սահմանադրական բարեփոխումների դեմ այսօր՝ սեպտեմբերի 25-ին՝ Գյումրու թատերական հրապարակում «Ոչ»-ի ճակատի հրավիրած հանրահավաքին մասնակցելու համար ակտիվիստների եւ լրագրողների տեղափոխող ավտոբուսի վարորդը ճանապարհի կեսից կանգնեցրել է մեքենան ու հրաժարվել ակտիվիստներին Գյումրի հասցնել: , «Չեք անցկացնի» նախաձեռնության անդամ Հրայր Մանուկյանը՝ նշեց, որ վարորդը պատճառաբանել է, որ իրեն թույլ չեն տալիս:
«Ճանապարհին իրեն անընդհատ զանգում էին: Հասանք Ուջան, ասեց՝ էլ չեմ կարա քշեմ, պիտի հետ դառնամ: Ասեց՝ երեխեք ջան, ուզում էի ձեզ օգնեի, բայց չեմ կարա, գծի տերը չի թողնում քշեմ»,- ասաց Հրայր Մանուկյանը:
Հրայր Մանուկյանը պատմեց, որ վարորդը պահանջել է իջնել մեքենայից, սակայն ակտիվիստները հրաժարվել են: Որոշ ժամանակ անց նրանց մոտ է գնացել ՀԱԿ ԱԺ ՀԱԿ խմբակցության ղեկավար Լևոն Զուրաբյանը: Վարորդն այդ ժամանակ փոխել է պատճառաբանությունը՝ ասելով, որ մեքենան անսարք է: Կարճ ժամանակ անց, երբ դեպքի մասին հրապարակումներ են եղել մամուլում, վարորդը եւս մեկ հեռախոսազրույց է ունեցել, ապա շարժվել Գյումրի:
