Խորհրդային միության առաջին ու վերջին նախագահ Միխայիլ Գորբաչովը հայտարարել է, որ իրեն նույնպես պատասխանատու է համարում ԽՍՀՄ-ի փլուզման համար, հայտնում է Ռիա Նովոստին:
«Ես չեմ կարող իմ վրայից հանել պատասխանատվությունը: Ես փորձում էի պահպանել ԽՍՀՄ-ը, սակայն չկարողացա»,- ասել է Գորբաչովն իր կյանքի մասին գրքի շնորհանդեսի ժամանակ: Նա կոչ է արել կարդալ իր «ԽՍՀՄ-ը կարելի է պահպանել» գիրքը, որտեղ, ըստ Գորբաչովի, նշվում է, թե ովքեր են իրականում նպաստել ԽՍՀՄ-ի փլուզմանը:
