Եվրասիական տնտեսական հանձնաժողովի մակրոտնտեսական և ինտեգրացիոն ուղղությունների կոլեգիայի անդամ Տատյանա Վալովայան ասել է, որ Մաքսային միությանը Ղրղզստանի անդամակցության պրոցեսն ընթանում է ըստ սահմանված ծրագրի:
Ըստ նրա` անհրաժեշտ փաստաթղթերը կառավարությունն արդեն հաստատել է, դրանք ուղարկվել են երկրի խորհրդարանին՝ վավերացման: Կառավարությունն ակնկալում է, որ մինչև 2015 թվականի հունվարի 1-ն անհրաժեշտ փաստաթղթերն ընդունված կլինեն:
Վալովայան նշել է, որ ներկայում աշխատանք է տարվում ղրղզական ապրանքները Մաքսային միության տարածք անարգել ներմուծելու համար:
