Գերմանիայի արևելքում գտնվող Բաուտցեն քաղաքում տեղի բնակիչների և փախստականների միջև բախումներ են տեղի ունեցել:
Հրապարակներից մեկում հավաքվել են տեղի բնակիչներից շուրջ 80 տղամարդ ու կին և մոտ 20 փախստական: Ականատեսների տվյալներով` երկու խմբերն էլ վիրավորել են միմյանց, ծեծկռտուք է սկսվել, այնուհետև գործի են դրվել շշերը:
Արտակարգ դեպքի վայր է ժամանել իրավապահ մարմինների շուրջ 100 աշխատակից:
Նշենք, որ ավելի վաղ Բաուտցեն քաղաքում արդեն իսկ բախումներ էին տեղի ունեցել տեղի բնակիչների և փախստականների միջև՝ հաղորդում է TASS-ը:
