Գերմանիայում հերթական բողոքի գործողությունն է տեղի ունեցել՝ ընդդեմ իսլամականացման: Դրեզդենում տեղի ունեցած ցույցը փողոց է դուրս բերել 17 հազար մարդու: Այս մասին հաղորդում է Associated Press-ը:
Սա հոկտեմբերից ի վեր «Հայրենասեր եվրոպացիները՝ ընդդեմ արևմուտքի իսլամացման» (Pegida) կազմակերպության կողմից կազմակերպված ամենամարդաշատ միջոցառումն է:
Հավելենք, որ Pegida-ն պահանջում է Գերմանիայի միգրացիոն քաղաքականության խստացում, ինչպես նաև կոչ է անում իրավապահներին խիստ կերպով պատռել ներգաղթյալների կողմից օրինախախտման ցանկացած դրսևորում:
Իր հերթին Գերմանիայի կանցլեր Անգելա Մերկելը բազմիցս հայտարարել է, որ նման գործողությունների ընթացքում այլատյացության դրսևորումներն անթույլատրելի են:
