Գերմանիան պետք է ուղղի իր պատմական սխալը, որ թույլ է տվել Թուրքիայի հանդեպ, Trend-ի փոխանցմամբ` հայտարարել է Թուրքիայի արտգործնախարար Մևլութ Չավուշօղլուն` նկատի ունենալով հունիսի 2-ին Բունդեսթագի կողմից Հայոց ցեղասպանությունը ճանաչելու մասին բանաձևի ընդունումը:
Նրա խոսքով` այդ բանաձևն ընդունելու փոխարեն, Բեռլինը պետք է հաշվի առնի Թուրքիայի և Գերմանիայում բնակվող թուրքերի շահերը:
Ավելի վաղ Թուրքիայի վարչապետ Բինալի Յըլդըրըմը հայտարարել էր, որ Հայոց ցեղասպանության մասին բանաձևի ընդունումը կվատթարացնի թուրք-գերմանական հարաբերությունները:
«Թուրքիայի պատմության մեջ ոչ մի ցեղասպանություն չի եղել»,- շեշտել է Թուրքիայի վարչապետը:
