«Ժողովրդական ճակատ» խմբակցությունը Ուկրաինայի Գերագույն ռադային նախագիծ է ներկայացրել՝ Ռուսաստանի Պետդումայի ընտրությունները անօրինական ճանաչելու մասին` Ղրիմում քվեարկություն անցկացնելու պատճառով: Այս մասին ճեպազրույցի ժամանակ հաղորդել է Ճակատի առաջնորդ, նախկին վարչապետ Արսենի Յացենյուկը:
«Համոզված եմ, որ Ուկրաինայի նախագահը, որն այժմ գտնվում է ՄԱԿ-ի Գլխավոր ասամբլեայի նստաշրջանում, նույնպես կդիմի մեր արևմտյան գործընկերներին և ՄԱԿ-ի անդամներին, որպեսզի ընտրությունները չճանաչվեն, որպեսզի աշխարհն ի ցույց դնի. Ռուսաստանն անօրինական ընտրություններ է անցկացրել Ուկրաինայի տարածքում, Ռուսաստանն անօրինական է ձևավորել Պետական դուման»,- ընդգծել է Յացենյուկը:
