Անցած ուրբաթ ԱԺ ՀԱԿ խմբակցության ղեկավար Լեւոն Զուրաբյանը հայտարարեց, որ ՍԴ նախագահ Գագիկ Հարությունյանը կաշառել է Վենետիկի հանձնաժողվի անդամներին: Զուրաբյանի այս հայտարարություն այժմ ուսումնասիրում է ՀՀ Ոստիկանությունը:
Այսօր «Սահմանադրական բարեփոխումները Հայաստանում» թեմայով քննարկման ժամանակ ԱԺ ՀԱԿ խմբակցության ղեկավար Լեւոն Զուրաբյանը հայտարարեց, որ շատերին է զարմացրել իր այս հայտարարությունը, մինչդեռ, բոլորը գիտեն, թե ով է իրականում ՍԴ նախագահ Գագիկ Հարությունյանը: Այսօր էլ Լեւոն Զուրաբյանը հայտարարեց, որ Գագիկ Հարությունյանին խոստացել են, թե Սահմանադրական փոփոխություններից հետո վերջինս կզբաղեցնի ՀՀ նախագահի պաշտոնը:
Սերժ Սարգսյանը միայն մեկ պատճառ է ունեցել նախաձեռնելու համար այս փոփոխությունները: «Սերժ Սարգսյանն ունի միայն մեկ պատճառ. ինչպես հայտնի է գործող Սահմանադրությունը թույլ չի տալիս նրան շարունակել պաշտոնավորումը որպես նախագահ, այդ իսկ պառճառով նախաձեռնել է այս փոփոխությունները, եւ նա հույս ունի, որ կշարունակի իր իշխանությունը Հայաստանում, ուստի մենք բոլորս պետք է մերժեք այս բարեփոխումները»,- ասաց Լեւոն Զուրաբյանը: Ըստ Զուրաբյանի՝ Հայաստանում Սահմանադրական փոփոխությունների անհրաժեշտություն չկա:
Նրա ելույթի ավարտին ներկաներից շատերը ծափահերեցին:
