Ֆրանսիայում պղծվել են հրեաների հարյուրավոր գերեզմաններ

Ֆրանսիայի Էլզա շրջանում պղծվել են հրեական հարյուրավոր գերեզմաններ։ Նախագահ Ֆրանսուա Օլանդը խոստացել է, որ կպատժի մեղավորներին, իսկ ներքին գործերի նախարար Բերնար Կազնևը տեղի ունեցածն անվանել է «հանրապետության ամբողջականության դեմ ուղղված քայլ»։ Այս մասին հաղորդում է Reuters գործակալությունը։

Գերեզմանատունը գտնվում է Սար Յունյոնեում։ Քաղաքապետ Մարկ Սենեն հայտարարել է, որ անհայտ անձանց գործողությունների հետևանքով տուժել է 400 գերեզման, այսինքն՝ գոյություն ունեցող գերեզմանների կեսը։ Նախկինում նման դեպքեր էլի են եղել։ 1988 թվականին գողացվել էր 60 գերեզմանաքար, իսկ 2001-ին՝ 50։