Ֆրանսիան չի ցանկանում, որ արևմուտքի և Ռուսաստանի միջև հակամարտությունն ուկրաինական ճգնաժամի ֆոնի վրա վերսկսվի: Այսպիսի կարծիք է հայտնել Ֆրանսիայի նախկին նախագահ, ընդդիմադիր «Միություն հանուն ժողովրդական շարժման» կուսակցության ղեկավար Նիկոլյա Սարկոզին:
«Մենք Ռուսաստանի հետ ընդհանուր քաղաքակրթություն ունենք: Ռուսաստանի և ԱՄՆ-ի շահերը նույնը չեն, ինչ Եվրոպայի և Ռուսաստանի շահերը: Մենք չենք ցանկանում, որ Եվրոպայի և Ռուսաստանի միջև սառը պատերազմը վերսկսվի», — Սարկոզիի խոսքերն է մեջներում France Press գործակալությունը:
Խոսելով Ուկրաինայի հարավ-արևելքում ստեղծված իրավիճակի մասին՝ Սակոզին ընդգծել է, որ հակամարտության կարգավորման համար անհրաժեշտ ր միջազգային հանրության միջնորդությունը:
Ելույթի ընթացքում Ֆրանսիայի նախկին նախագահը մի քանի ուշագրավ հայտարարություն է կատարել: «Ուկրաինան պետք է Եվրոպայի և Ռուսաստանի միջև կամուրջ դառնա: Նրան վիճակված չէ անդամակցել Եվրամիությանը: Իսկ Ղրիմն ընտրել է Ռուսաստանին, ու դրանում երկրամասին չի կարելի մեղադրել», — կարծիք է հայտնել ֆրանսիացի քաղաքական գործիչը:
