Իտալական «Ռոմայի» ավագ Ֆրանչեսկո Տոտինն, երեկ գրավելով «Մանչեսթեր Սիթիի» դարպասը, դարձել է Չեմպիոնների լիգայում գոլի հեղինակ դարձած ամենատարեց ֆուտբոլիստը։ Այս մասին հաղորդում է Infostrada-ն։
Իտալիայի հավաքականի նախկին ֆուտբոլիստը գոլի պահին եղել է 38 տարեկան 3 օրական։ Նախորդ ռեկորդակիր՝ ուելսցի Ռայան Գիգզը 2011 թվականին մրցակցի դարպասը գրավել էր 37 տարեկան 289 օրականում։ Հատկանշական է, որ Տոտին առաջին անգամ է գրավում մրցակցի դարպասը Անգլիայում։
