Թուրքական Cumhurriyet թերթի փոխանցմամբ` սոցիալական կայքերում տեղեկություններ են հայտնվել, որոնց համաձայն Թուրքիայի նախագահ Ռեջեփ Թայիփ Էրդողանի որդին` Բիլալ Էրդողանը փախել է երկրից:
Թերթի կողմից իրականացված լրագրողական հետաքննության ընթացքում հաստատվել է, որ Բիլալ Էրդողանը տեղափոխվել է Իտալիա:
Բիլալ Էրդողանը 2007 թվականին սովորել է Բոլոնիայում և, ըստ որոշ տեղեկությունների, վերադարձել Թուրքիա: Սակայն վերջերս նա նորից վերադարձել է Բոլոնիա և վերսկսել ուսումը:
Հաղորդման մեջ նաև նշվում է, որ նախագահ Էրդողանն Իտալիայի կառավարությանը խնդրել է թիկնապահներ տրամադրել իր որդուն:
