Թուրքիայի նախագահ Ռեջեփ Թայիպ Էրդողանը անթույլատրելի է համարել Իրանի՝ տարածաշրջանում գերակայություն ունենալու ձգտումը ։
«Իրանը ձգտում է տարածաշրջանում գերակայություն ունենալ։ Դա արդեն սկսել է նյարդայնացնել Սաուդյան Արաբիային, ԱՄՆ-ին և Պարսից ծոցի երկրներին։ Դա իրոք անթույլատրելի է, և Իրանը պետք է դա զգա», — ասել է Էրդողանը մամուլի ասուլիսի ժամանակ Ստամբուլում՝ մեկնաբանելով Սաուդյան Արաբիայի և դաշնակիցների կողմից Եմենում սկսված ռազմական գործողությունները։
Թուրքիայի նախագահը Եմենում սկսված պատերազմի պատճառը «աղանդավորական» է համարել և Իրանին կոչ է արել դադարեցնել շիա ապստամբների աջակցությունը։
«Իրանը պետք է փոխի իր դիրքորոշումը։ Նա պետք է դուրս բերի իր զորքերը, որոնք ունի Եմենում, ինչպես նաև Սիրիայում և Իրաքում, հարգի այդ երկրների տարածքային ամբողջականությունը», — ասել է Էրդողանը։
