Թուրքիայի նախագահ Ռեջեփ Թայիփ Էրդողանը, ով ՄԱԿ-ի 69-րդ գագաթնաժողովին մասնակցելու համար մեկնելու է ԱՄՆ, հրաժարվել է հանդիպել Համաշխարհային հրեական կոնգեսի՝ Ռոնալդ Լաուդերի գլխավորած պատվիրակությանը: Այս մասին հաղորդում է Anadolu գործակալությունը:
Նշվում է, որ այս որոշման պատճառը հրեական կառույցի կողմից հանդիպման ժամկետի տեղափոխությունն է: Այս մասին հաղորդում է Թուրքիայի ղեկավարի մամլո ծառայությունը:
Համաձայն ծրագրի՝ Էրդողանի ու հրեաների հանդիպումը պետք է կայանար տեղական ժամանակով 10:45-ին Նյու Յորքում, սակայն Կոնգրեսի ներկայացուցիչները վերջին պահին պահանջել են տեղափոխել հանդիպումը:
Հիշեցնենք, որ Էրդողանին ուղեկցում են մի շարք նախարարներ, այդ թվում՝ երկրի արտաքին քաղաքական գերատեսչության ղեկավար Մևլյութ Չավուշօղլուն:
