Թուրքիայի նախագահ Ռեջեփ Թայիպ Էրդողանը հայտարարել է, որ մտադիր է նախագահել կառավարությունը հաջորդ տարվա հունվար ամսից։ Սա առաջին դեպքն է վերջին 20 տարվա ընթացքում, երբ հանրապետության ղեկավարը նման որոշում է կայացնում։ Հաղորդում է BBC-ն։
Էրդողանը Թուրքիայի նախագահ է դարձել այս տարվա օգոտսոս ամսին։ Մինչ այդ նա հայտարարում էր, որ Թուրքիայի նախագահի լիազորությունները Թուրքիայում անհրաժեշտ է մեծացնել, ինչի հետևանքով բազմիցս ենթարկվել է ընդդիմության քննադատությանը։
Էրդողանի ընդդիմախոսները կարծում են, որ նա պետությունը տանում է դեպի ավտորիտար համակարգ։
