Թուրքիայի նախագահ Ռեջեփ Թայիփ Էրդողանը Ադրբեջանի նախագահ Իլհամ Ալիևին հրավիրել է դստեր հարսանիքին, հայտնում haqqin.az-ը:
Բացի Ալիևից` Էրդողանը դստեր հարսանիքին հրավիրել է նաև մի շարք այլ պետությունների ղեկավարներին, որոնց թվում են Պակիստանի վարչապետ Նավազ Շերիֆը, Քաթարի շեյխ Թամիմ բին Համադ ալ Թանին և այլոք:
Էրդողանի դուստր Սյումեյեյի հարսանիքը տեղի կունենա այսօր` մայիսի 14-ին Ստամբուլում: Նա ամուսնանում է հայտնի թուրք գործարար, անօդաչու թռչող սարքերի ստեղծման գծով ինժեներ Սելջուկ Բայրակթարի հետ:
Էրդողանի դստեր հարսանիքի կապակցությամբ Ստամբուլում ձեռնարկվել են անվտանգության արտակարգ միջոցառումներ: Անվտանգության ապահովման համար գործի են դրվել անգամ արբանյակներ:
