Թուրքիայի ընդդիմադիր ժողովրդահանրապետական կուսակցությունը իր պայմաններն է առաջադրել Թուրքիայի նախագահ Ռեջեփ Թայիպ Էրդողանին՝ կոալիցիոն կառավարության ձևավորման համար: Այս մասին հաղորդում են թուրքական լրատվամիջոցները:
Կուսակցությունը պահանջում է, որպեսզի կառավարության ղեկավարի պաշտոնը երկու տարով գլխավորի կուսակցության ղեկավար Քեմալ Քըլըջդարօղլուն: Բացի այդ, Ժողովրդահանրապետական կուսակցությունն ուզում է խորհրդարանի նախագահի, մի շարք առանցքային նախարարությունների ղեկավարների պաշտոնը:
Իշխող «Արդարություն և զարգացում» կուսակցության արձագանքն այս պահանջին անհայտ է:
Քանի որ իշխող ոկւսակցությանը հունիսի 7-ին կայացած խորհդարանական ընտրութոյւններում չի հաջողվել ստաալ մեծամասնություն, անհրաժեշտ է ձևավորել նոր կառավարություն կամ հայտարարել նոր ընտրությունների մասին:
