«Գիշեր ու զօր աշխատանքով ամեն ինչ անելու եմ, որպեսզի սպասումներն արդարացվեն, եւ վստահությունը համակարգի հանդեպ ավելի բարձրացնեմ»,- այս մասին այսօր Ազգային ժողովում լրագրողների հետ զրույցում ասաց նորընտիր ՀՀ գլխավոր դատախազ Արթուր Դավթյանը:
Դավթյանը շարունակեց պնդել` Հայաստանում քաղբանտարկյալներ չկան, ասաց` ամեն ինչ անելու են մասնագիտական հարթության մեջ հիմնավորելու, որ իրենց որոշումները բխում են օրենքից:
Հարցին` իրավական հիմնավորումներն արդյոք նշանակո՞ւմ են, որ Հայաստանում քաղբանտարկյալներ չկան, գլխավոր դատախազն ասաց. «Իհարկե, եթե անձի նկատմամբ քրեական հետապնդումն իրականացվում է օրենքով սահմանված կարգով ու ոչ թե քաղաքական գործունեությամբ պայմանավորված, դա նշանակում է` քաղբանտարկյալի մասին խոսք լինել չի կարող»:
Մանրամասները` տեսանյութում
