Էդ պլակատը կարող է հենց երեւանցիները գրում են, որ, յանիմ, ամբողջ մարզերն են մասնակցում.Վանաձորի քաղաքապետ

Araratnews.am-ի զրուցակիցն է Վանաձորի քաղաքապետ Սամվել Դարբինյանը:

Պարոն Դարբինյան քարոզարշավը գրեթե ավարտվում է, կիրակի էլ հանրաքվեն է: Ի՞նչ տրամադրություններ է տիրում Վանաձորում:

Տրամադրվածությունը ամսի յոթին կերեւա:

Նախնական ի՞նչ կարող եք ասել:

Նորմալ է, նորմալ:

Նորմալ «այո», թե՞ նորմալ «ոչ»:

Նորմալ «այո»:

Պարոն Դարբինյան, Երեւանի Ազատության հրապարակում հանրահավաքներ են, ձեր համաքաղաքացիները մասնակցո՞ւմ են:

Չեմ կարող ասել, էդ պիտի այնտեղ մարդկանց տեսնեք, հարցնեք՝ վանաձորցիներ կա՞ն, թե՞  չկան:

Մենք տեսել ենք, որ կան՝ պլակատներով կանգնած են:

Էդ պլակատը կարող է հենց իրենք երեւանցիները գրում են, որ յանիմ ամբողջ մարզերն են մասնակցում:

Երեկ նաեւ մարզերից  դժգոհություններ կային, որ ճանապարհները փակ են, տեղի իշխանությունները ահաբեկել են մարդկանց:

Նման բան Վանաձորում չի եղել: Նորմալ աշխատել է, առավոտյան ինչքան տրանսպորտ պիտի Երեւան գար՝ եկել է, բա մեր ուսանողները, համաքաղաքացիները Երեւանի հետ կապեր ունեն:

Այնուամենայնիվ, իշխանությանը հեռացնելու կոչեր են հնչում:

Ես նման բաներ չեմ լսել:

Հարցազրույցը՝ Փայլակ Ֆահրադյանի