ԱԺ-ում այսօր բանավեճ տեղի ունեցավ ԱԺ պատգամավորներ Հրանտ Բագրատյանի և Վարդան Այվազյանի միջև: Նիստի ընթացքում «Պետական տուրքի մասին» օրենքում լրացումներ կատարելու օրինագծի քվեարկության ժամանակ Հրանտ Բագրատյանը հայտարարեց, թե նախագիծը քվեարկության դնել չի կարելի, քանի որ այն տուրքի մասին չի և տուրք չի:
«Է, տենց ա, տենց. քվեարկեք՝ Մուշն ու Վանն էլ միացրեք Հայաստանին, թող պրծնի գնա, էլի»,- դժգոհեց Հ.Բագրատյանը:
ԱԺ տնտեսական հարցերի մշտական հանձնաժողովի նախագահ Վարդան Այվազյանը հակադարձեց, թե օրենքը պետական տուրքի մասին է և վերաբերում է տուրքին:
Հ.Բագրատյանը շարունակեց տեղից վրդովված բողոքել, իսկ ԱԺ փոխխոսնակ Հերմինե Նաղդալյանը հորդորեց կարգուկանոն պահպանել: Մի քանի րոպե Նաղդալյանին չէր հաջողվում հարթել բանավեճը:
Ի վերջո նախագիծը դրվեց քվեարկության և ընդունվեց 79 կողմ, 11 դեմ և 15 ձեռնպահ ձայներով:
