«Ռեալի» և Պորտուգալիայի հավաքականի հարձակվող Կրիշտիանո Ռոնալդուի մայրը ձերբակալվել է Մադրիդի օդանավակայանում, երբ ցանկացել է դուրս բերել երկրից մեծ քանակությամբ գումար: Այս մասին հաղորդում է El Mundo պարբերականը:
Թերթի տվյալներով` 61-ամյա Դոլորես Ավեյրուն իր հետ փորձել է դուրս բերել 55 հազար եվրո՝ թույլատրելի 10 հազարի փոխարեն: Պարզաբանումից հետո Դոլորեսը գումարը թողել է օդանավակայանում և հիմա պետք է բացատրություն տա, թե որտեղից է այն:
