Արաբական Միացյալ Էմիրությունների իշխանությունները որոշել են 32 մրդ դոլար ներդնել Դուբայի օդանավակայանի հնարավորությունները մեծացնելու համար։
Նպատակն է՝ ավելացնել ուղևորափոխադրումների ծավալը, ինչպես նաև ստեղծել լրացուցիչ 200 հազար աշխատատեղ։ Այս մասին հաղորդւմ է Interfax գործակալությունը։
Ակնկալվում է, որ առաջին փուլում 7 տարվա ընթացքում կկառուցվի երկու նոր թռիչքուղի, ինչպես նաև 2 նոր սպասասրահ։ Դրանից հետո Դուբայի միջազգային օդանավակայանի ուղևորափոխադրումների ծավալը կարող է հասնել 120 մլն ուղևորի։
Ավելի ուշ օդանավակայանը կունենա ևս 5 թռիչքուղի՝ ուղևորափոխադրումների թիվը հասցնելով 200 մլն-ի և դառնալով աշխարհի ամենամեծ օդանավակայանը։
