Երևանի Նիկոլ Աղբալյանի անվան համար թիվ 19 հիմնական դպրոցի մոտ սառույցի բավականին մեծ կտոր է ընկել «Հայկական ժամանակ» օրաթերթի աշխատակից Արուսյակ Մանավազյանի գլխին: Արուսյակը դպրոցում էր՝ երեխային տուն բերելու համար:
Araratnews.am-ը փորձեց տեղեկություններ ստանալ դպրոցից, պարզելու՝ արդյո՞ք դեպքից հետո մաքրել են տանիքները, թե ոչ:
Դպրոցի աշխատակիցը չհերքեց, որ նման դեպք է եղել իրենց դպրոցում, բայց նշեց, որ բակն ու տանիքներն իրենց աշխատակիցները մաքրել են և նման խնդիր երբևէ չի եղել:
Մեր այն հարցին՝ ինչպե՞ս է սառույցն ընկել, եթե տանիքը մաքուր է եղել, աշխատակիցը նշեց.«Ես չեմ կարող հիմա ձեզ պատասխանել, հետո կզանգահարեք», ասաց նա ու անմիջապես անջատեց հեռախոսը:
Նշենք նաև, որ ինչպես տեղեկացնում է armtimes.com-ը՝ կնոջ առողջությանը սպառնացող լուրջ վտանգ չկա:
