Երևանի քաղաքապետարանի ենթակայության մանկապարտեզներում ավագ խմբերի բոլոր երեխաներին անակնկալ է սպասվում։ Երևանի քաղաքապետ Տարոն Մարգարյանի նախաձեռնությամբ Երևանի քաղաքապետարանի ենթակայության մանկապարտեզներն ավարտող բոլոր երեխաները քաղաքապետարանից նվեր կստանան դպրոցական պայուսակներ՝ 12 անուն գրենական պիտույքով։ Շուրջ 10.000 պայուսակներն արդեն տրամադրվել են մայրաքաղաքի վարչական շրջանների պատասխանատուներին և առաջիկա մեկ ամսվա ընթացքում ավարտական-ամփոփիչ հանդեսների շրջանակում կհանձնվեն երեխաներին։
Երևանի քաղաքապետարանի տեղեկատվության
և հասարակայնության հետ կապերի վարչություն
