Թուրքիայի քրդամետ Ժողովուրդների դեմոկրատական կուսակցության (HDP) համանախագահ Սելահաթթին Դեմիրթաշը մոտ օրերս կայցելի Մոսկվա, հաղորդում է Today’s Zaman-ը:
Դեմիրթաշը նաև տեղեկացրել է, որ մտադիր է կուսակցության գրասենյակ բացել Մոսկվայում:
Նա նաև քննադատել է Թուրքիայի կառավարությանը՝ Ռուսաստանում ապրող թուրք քաղաքացիների խնդիրները լուծելու ուղղությամբ քայլեր չձեռնարկելու համար:
«Տասնյակ, նույնիսկ հարյուրավոր, հազարավոր մարդիկ, որոնք աշխատում, սովորում կամ բիզնես են անում Ռուսաստանում, տուժել են: Մենք ցանկանում ենք օգտագործել մեր ուժը այդ խնդիրները լուծելու համար»,- ասել է Դեմիրթաշը:
Հատկանշական է, որ Դեմիրթաշի այցը կայանալու է ռուս-թուրքական հարաբերությունների սրման համատեքստում:
