Դաղստանի հյուսիսում շաբաթ օրը 5,0 մագնիտուդ ուժգնությամբ երկրաշարժ է եղել, հայտնում է Ռիա Նովոստին` հղում անելով ԱՄՆ-ի երկրաբանական ծառայությանը:
Ստորգետնյա ցնցումները գրանցվել են Կազբեկի շրջանի Բուրտունայ գյուղից հյուսիս-արևելքում, գիշերը, Երևանի ժամանակով 01:17-ին: Երկրաշարժի օջախը գտնվել է 68,1 կմ խորության վրա:
Տուժածների և ավերածությունների մասին առայժմ տեղեկություններ չեն հաղորդվում:
