Այսօր Կառավարության շենքի մոտ բողոքի ակցիա էին իրականացնում «Նուբարաշեն» քրեակատարողական հիմնարկում դեկտեմբերի 15-ից հացադուլ սկսած ցմահ ազատազրկված դատապարտյալների հարազատները:
Նրանք պահանջում են, որ Արդարադատության նախարարն ու կառավարության մյուս իրավասու պաշտոնյաններն այցելեն իրենց հարազատներին, զրուցեն վերջիններիս հետ եւ հասկանան՝ ինչ պահանջներ ունեն ցմահ ազատազրկման դատապարտվածները:
Կառավարությունից, սական, նրանց ոչ ոք չընդունեց:
«Նամակ կգրենք վարչապետին»,- հայտարարեցին դատապարտյալների հարազատներն ու շարժվեցին դեպի Բաղրամյան 26:
Ազգային ժողովի դիմաց նրանց մոտեցավ ՀՀԿ-ական պատգամավոր Հակոբ Հակոբյանը, որի էլ հանձնեցին իրենց դիմումը: ՀՀԿ-ական պատգամավորը խոստացավ դիմումը հանձնել գործընկերներին եւ նրանց հետ միասին զբաղվել խնդրով: Նշենք, որ այս պահին ակցիան շարունակվում է:
