Christie’s աճուրդների տունը նախօրեին ռեկորդային վաճառք է կազմակերպել Լոնդոնում: «Իմպրեսիոնիզմի և մոդեռնիզմի արվեստ» և «Սյուռեալիզմի արվեստ» խորագրերով աճուրդների արդյունքում վաճառվել է 288 մլն դոլարի արվեստի գործ: Այս մասին հաղորդում է Christie’s-ի պաշտոնական կայքը:
Սա ռեկորդային ցուցանիշ է Լոնդոնում երբեևէ տեղի ունեցած աճուրդի համար: Ընդհանուր առմամբ, վաճառվել է ներկայացված լոտերի 86%-ը: Ամենթանկ լոտը Խուան Գրիսի` 1915 թվականին կատարած «Քառակուսի սփռոցով նատյուրմորտ» աշխատանքն էր, որի համար նոր սեփականատերը վճարել է 56,65 մլն դոլար:
